Minzdaroŭja prapanuje abmiežavać kureńnie ŭ prysutnaści dziaciej da 14 hadoŭ
Ministerstva achovy zdaroŭja prapanuje abmiežavać kureńnie ŭ prysutnaści dziaciej da 14 hadoŭ, paviedamiła žurnalistam zahadčyca adździeła hramadskaha zdaroŭja Respublikanskaha centra hihijeny, epidemijałohii i hramadskaha zdaroŭja Volha Bartman.
Ministerstva achovy zdaroŭja Biełarusi sumiesna z zacikaŭlenymi arhanizacyjami vyjšaŭ ź inicyjatyvaj ab uniasieńni źmianieńniaŭ u dekret №28. U pryvatnaści, prapanujecca pryraŭniać elektronnyja cyharety da zvyčajnych tytuniovych vyrabaŭ, pašyryć pieralik hramadskich miescaŭ, dzie budzie zabaroniena kureńnie, a taksama ŭvieści zabaronu na kureńnie ŭ prysutnaści dziaciej da 14 hadoŭ u aŭtamabilach i zakrytych hramadskich miescach ahulnaha karystańnia.
«Prapanovy nakiravany na razhlad u Saŭmin. Spadziajemsia, što inicyjatyvy buduć padtrymany i bolšaść ź ich pryniata», — skazała Volha Bartman.