Aficera VMS ZŠA zatrymali pa abvinavačvańni ŭ špijanažy
Fota: AP/Hasan Jamali
Aficeru VMS ZŠA byli pradjaŭlenyja abvinavačvańni ŭ špijanažy, pieradačy sakretnaj infarmacyi i pradastaŭleńni iłžyvych dadzienych, paviedamlaje telekanał CNN.
Adznačajecca, što vajenny, imia jakoha nie nazyvajecca, byŭ zatrymany 8 miesiacaŭ tamu, ale viadoma pra heta stała tolki 8 krasavika na dasudovym słuchańni.
Pa słovach vysokapastaŭlenaha čynoŭnika ŭ administracyi ZŠA, znajomaha z rasśledavańniem, aficera zatrymali na aeradromie Cichaakijanskaha kamandavańnia ŭzbrojenych sił ZŠA pry sprobie vylecieć u inšuju krainu.
U ciapierašni čas jaho ŭtrymlivajuć pad vartaj na haŭptvachcie ŭ horadzie Česapik u štacie Virdžynija. Zhodna z materyjałami suda, aficer ličyŭsia ŭ składzie padraździaleńnia patrulavańnia i rekahnascyroŭki sa štabam u horadzie Norfałk, štat Virdžynija.
Taksama vajennamu inkryminujucca pieravozka sakretnaha hruzu, prastytucyja i šlubnaja zdrada.
Rasśledavańniem spravy zajmajucca Słužba kryminalnych rasśledavańniaŭ VMS i Fiederalnaje biuro rasśledavańniaŭ (FBR).