Mižnarodnaja baskietbolnaja fiederacyja dyskvalifikavała zbornyja Rasii, Litvy, Polščy i jašče 11 zbornych
Hetyja zbornyja adchilenyja ad udziełu ŭ Jeŭrabaskiecie-2017.
Siarod dyskvalifikavanych i našyja zachodnija susiedzi, vice-čempijon Jeŭropy-2015 zbornaja Litvy, dzie baskietboł amal jak relihija, fota basketnews.lt
FIBA dyskvalifikavała zbornyja 14 krain. Raniej FIBA pahražała adchilić kamandy tych krain, fiederacyi jakich dazvalajuć svaim kłubam udzielničać u Jeŭrakubku, druhim turniry Jeŭralihi.
Paśla taho jak kłuby jeŭrapiejskich lih abviaścili pra padpisańnie trochhadovaha pahadnieńnia ź Jeŭralihaj, FIBA pryniała rašeńnie pryvieści pahrozy ŭ siłu.
Zbornyja dyskvalifikavanych krain nie zmohuć udzielničać u Jeŭrabaskiecie-2017.
Listy z apaviaščeńniami byli pasłanyja ŭ fiederacyi 14 krain. Heta krainy, jakija ŭvachodziać u Adryjatyčnuju lihu (Sierbija, Charvatyja, Słavienija, Bośnija i Hiercahavina, Čarnahoryja), Ispanija, Turcyja, Litva, Hrecyja, Italija, Izrail, Makiedonija, Polšča i Rasija.
U listach havorycca, što kali infarmacyja ab padtrymcy Jeŭralihi nie adpaviadaje rečaisnaści, to fiederacyja pavinny pryvieści dokazy zvarotnaha da 20 krasavika.
FIBA zmahajecca ź Jeŭralihaj za ŭpłyŭ u jeŭrapiejskim kłubnym baskietbole i sprabuje prymusić druharadnyja kamandy ŭdzielničać u Lizie čempijonaŭ FIBA, a nie ŭ Jeŭrakubku.