Kiraŭnik Dziaržkantrolu: Ja b moh zaraz pałovu składu ministerstva ŽKH aryštavać
Kiraŭnik Kamiteta dziaržaŭnaha kantrolu Leanid Anfimaŭ raskazaŭ, što skončana pravierka sistemy žyllova-kamunalnaj haspadarki. Chto stanie fihurantam novych kryminalnych spraŭ, stanie viadoma paśla taho, jak Kamitet padrychtuje vynikovy dakumient, paviedamlaje ANT.
«Na emocyjach ja b moh zaraz pałovu składu ministerstva žyllova-kamunalnaj haspadarki aryštavać, ale jakuju reakcyju heta vykliča ŭ hramadstvie? Ja dumaju, što nieadnaznačnuju, moža być, navat rezka admoŭnuju paśla taho, jak ŭsio supakoiłasia i z taryfami na žyllova-kamunalnuju haspadarku, i ludzi bačyli žyroŭki», — adznačyŭ staršynia KDK Leanid Anfimaŭ.
Pavodle jaho słoŭ, ciapier žyroŭki dajuć realnaje ŭjaŭleńnie ab tym, kolki treba płacić, za što płacić.
«Chapać siońnia ŭsich zapar, ja dumaju, heta nie zusim pravilna budzie. Voś kali budzie akt pravierki, tady my ŭbačym, chto kankretna vinavaty i ŭ čym, tady paśleduje toje, pra što ja kazaŭ», - jašče raz padkreśliŭ čynoŭnik.
Leanid Anfimaŭ, paviedamiŭ, što ŭ akcie pa vynikach pravierki buduć zafiksavany ŭsie parušeńni, źviazanyja z zavyšeńniem cenaŭ na pasłuhi žyllova-kamunalnyja pasłuhi, a taksama fakty złoŭžyvańnia słužbovymi paŭnamoctvami.