Mer Łondana abvinavaciŭ prezidenta Abamu ŭ kryvadušnaści
Mer Łondana Barys Džonsan abvinavaciŭ prezidenta ZŠA Baraka Abamu ŭ kryvadušnaści za jaho vykazvańni suprać mahčymaha vychadu Vialikabrytanii ź Jeŭrasajuza.
U intervju Bi-bi-si Džonsan, jaki padtrymlivaje ideju vychadu Brytanii ź ES, padkreśliŭ, što, dajučy takija parady, sami amierykancy nie chočuć hublać svoj suvierenitet, čaho patrabujuć ad brytancaŭ.
«Mnie zdajecca davoli dziŭnym, što amierykancy pavučajuć nas tamu, što nam treba admovicca ad suvierenitetu, u toj samy čas, kali jany sami navat nie padpisvajuć, skažam, zakon ab pryznańni Mižnarodnaha kryminalnaha suda», - skazaŭ mer Łondana.
Jak raniej paviedamiła brytanskaja presa, padčas vizitu na nastupnym tydni ŭ Łondan prezident ZŠA maje namier zaklikać vybarščykaŭ hałasavać za zachavańnie Vialikabrytanii ŭ składzie JeC.
Bieły dom padkreśliŭ što, vykazvajučy svoj punkt hledžańnia pa hetym pytańni, Abama ŭsio ž ličyć, što rašeńnie zastajecca vyklučna za samimi brytancami.
Refierendum ab mahčymym vychadzie Brytanii ź ES adbudziecca 23 červienia hetaha hoda.