Na Voranaŭščynie pjany 20-hadovy kiroŭca pierakuliŭ mašynu: zahinuła jaho 2-hadovaje dzicia
Avaryja adbyłasia 15 krasavika kala 21.00, kala vioski Kanvieliški Voranaŭskaha rajona. Pra heta paviedamili ŭ DAI Hrodzienskaj vobłaści.
Jak paviedamili inśpiektary, 20-hadovy kiroŭca Audi nie daŭ rady kiravańniu na pramym učastku darohi z suchim asfaltabietonnym pakryćciom, u vyniku čaho aŭtamabil vylecieŭ u kiuviet, dzie pierakuliŭsia.
Akramia kiroŭcy, u aŭtamabili jechali try pasažyry, u tym liku jaho žonka i 2-hadovy syn, jakoha mama pieravoziła na rukach. Dziciačaha ŭtrymlivajučaha prystasavańnia ŭ mašynie nie było.
U avaryi dzicia atrymała ciažkija traŭmy i było dastaŭlena ŭ reanimacyjnaje adździaleńnie balnicy, dzie praz hadzinu pamierła. Nichto z darosłych nie paciarpieŭ.
Vyśvietliłasia, što kiroŭca i jaho žonka byli pjanyja. U dačynieńni da mužčyny raspačata kryminalnaja sprava, jon źmieščany pad vartu.