Źjavilisia zdymki sakretnaha biełaruskaha bronieaŭtamabila «Vołat» ad MZKC
Błoh ab vajskovaj technicy i zbroi BMPD raźmiaściŭ fatahrafii najnoŭšaha biełaruskaha bronieaŭtamabila, stvareńniem jakoha zajmajecca Minski zavod kołavych ciahačoŭ.
Miarkujučy pa abrysach, u kadr trapiŭ makietny ŭzor broniemašyny, jaki prachodzić testavańnie. Padrabiaznaściaŭ pra novy bronieaŭtamabil pradpryjemstva nie vydaje.
safaniuk.livejournal.com
Darečy, na MZKC užo vyrablajecca śpiecyjalnaja braniravanaja mašyna «Lis-PM». Jana raźličana na pieravozku da 10 čałaviek pa darohach usich katehoryj, raźvivaje chutkaść da 120 km/h i maje zapas chodu paradku 900 km.
U 2015 hodzie na štohadovym paradzie ŭ honar Dnia Pieramohi byli pakazany branieviki «Lis-PM», uzbrojenyja 12,7-mm kulamiotam NSV i 30-mm hranatamiotam AH-17.