U Polščy dzicia naradziłasia praz 55 dzion paśla śmierci maci
Va Urocłavie, va ŭniviersiteckaj kliničnaj balnicy, naradziŭsia chłopčyk, maci jakoha pamierła za 55 dzion da jaho naradžeńnia.
nto.pl
Pra heta 19 krasavika paviedamlaje vydańnie Nowa Trybuna Opolska. Pa słovach daktaroŭ, hety «cud» staŭsia mahčymym dziakujučy sučasnamu miedycynskamu abstalavańniu.
41-hadovaja žančyna była chvoraja na rak. Kali ŭ pacyjentki kanstatavali śmierć mozhu, jana znachodziłasia na 17-m tydni ciažarnaści. Pakolki serca žančyny jašče biłasia, daktary pryniali rašeńnie, što buduć zmahacca za žyćcio dziciaci.
Dziakujučy admysłovamu abstalavańniu, daktaram udavałasia padtrymać žyćciovyja funkcyi maci.
Praz 55 dzion nieanatołahi vyrašyli, što chłopčyk užo moža naradzicca i zrabili kiesarava siačeńnie.
Dzicia naradziłasia 9 studzienia, jano važyła tady kala 1 kiłahrama i jamu była nieabchodnaja intensiŭnaja terapija. Praź miesiac jaho adklučyli ad reśpiratara, a jašče praz dva — vypisali dadomu.
Zaraz chłopčyk całkam zdarovy i važyć bolš za 3 kiłahramy, jaho hadavańniem zajmajecca baćka.