Parašenka: Saŭčanka pahadziłasia spynić haładoŭku
Prezident Ukrainy Piatro Parašenka patelefanavaŭ niezakonna asudžanaj u Rasii ŭkraincy Nadziei Saŭčanka, jakuju trymajuć u rasijskim SIZA.
president.gov.ua
«Patelefanavaŭ Nadziei Saŭčanka», — paviedamlajecca ŭ fejsbuku prezidenta.
«Asabista pieradaŭ joj słovy padtrymki i zachapleńnia… Raspavioŭ joj padrabiaznaści svajoj učorašniaj razmovy z prezidentam Rasii», — adznačyŭ Parašenka.
«Razam z mamaj, Maryjaj Ivanaŭnaj i siastroj Vieraj źviarnuŭsia da Nadzi z prośbaj spynić haładoŭku. Dziakuj tabie, što pahadziłasia», — zajaviŭ jon.
Parašenka arhumientavaŭ: «Navat u hetych umovach pavinny zrabić zachady, kab zachavać tvajo zdaroŭje».
Jak paviedamlajecca na sajcie prezidenta, «u adkaz Nadzieja Saŭčanka pahadziłasia časova spynić haładoŭku».
«Prezident paviedamiŭ, što hatovy nakiravać svoj samalot u Rasiju, kab viarnuć Nadzieju Saŭčanka dadomu», — infarmuje pres-słužba kiraŭnika dziaržavy.
Parašenka zapeŭniŭ, što Ukraina robić usio dla vyzvaleńnia Saŭčanka.
Raniej Parašenka paviedamiŭ, što ŭ paniadziełak, 18 krasavika, pahavaryŭ z prezidentam Rasii Uładzimiram Pucinym pra los Saŭčanka. «Na padstavie papiarednich napracovak, mnie zdajecca, što nam udałosia ŭzhadnić peŭny ałharytm vyzvaleńnia Nadziei», — skazaŭ jon.