Avataravu budzie pierakvalifikavana abvinavačvańnie pa adnym sa składaŭ inkryminujemych złačynstvaŭ
Tarasu Avataravu, abvinavačanamu ŭ niezakonnym abarocie vybuchovych pryład i ich kantrabandzie, budzie pierapradjaŭjena abvinavačvańnie pa adnym z składaŭ inkryminavanych złačynstvaŭ.
21 krasavika ŭ sudzie Frunzienskaha rajona Minska, dzie słuchajecca sprava žychara Navapołacka, jakomu siońnia spoŭniłasia 29 hadoŭ, dziaržabvinavaŭca Alaksandr Mirončyk paprasiŭ čas dla padrychtoŭki pierakvalifikacyi abvinavačvańnia pa składzie «kantrabanda». Heta jon patłumačyŭ niadaŭnim uniasieńniem źmianieńniaŭ u Kryminalny kodeks.
Jak patłumačyŭ žurnalistam dziaržabvinavaŭca, havorka idzie ab mahčymym pradjaŭleńni Avataravu abvinavačvańnia pa artykule 333-1 KK zamiest častki 2 artykuła 228 KK.
U novym składzie idzie havorka ab niezakonnym pieramiaščeńni cieraź miažu Jeŭrazijskaha ekanamičnaha sajuza abo dziaržaŭnuju miažu Respubliki Biełaruś»… ahniastrelnaj zbroi, bojeprypasaŭ, vybuchovych rečyvaŭ». Maksimalnaje pakarańnie za heta złačynstva — 7 hadoŭ pazbaŭleńnia voli, stolki ž, kolki pa č. 2 art. 228 KK.
U sudzie abvieščany pierapynak da 25 krasavika. Da vyrašeńnia chadajnictva dziaržabvinavaŭcy sud paśpieŭ ahledzieć rečavyja dokazy pa spravie Avatarava. Byli pradstaŭlenyja broniekamizelka, biercy, na jakich, jak pakazała ekśpiertyza, adsutničajuć ślady vybuchovych rečyvaŭ, sihnalny pistalet, pašpart, vajenny bilet, płanšet, videakamiera, žostki dysk, zaradnaja pryłada, partmane ( «Pjer Karden» — prakamientavaŭ Avataraŭ z kletki).
Ni čorna-čyrvonaha ściaha, ni daviedak «Pravaha siektara», ni «bałakłavy» siarod rečdokaŭ nie było. Pra toje, što častka rečaŭ źnikła, na sudzie kazaŭ abvinavačany.