Śviata pad fyrčańnie hieneratara
Siońnia ŭ Miensku adbyłosia šeście i mitynh, pryśviečanyja Mižnarodnamu dniu salidarnaści. Kalona ŭ niekalki sotniaŭ čałaviek prajšła šlacham niadaŭniaha Čarnobylskaha šlachu — ad Akademii Navuk da płoščy Banhałor, zakonapasłuchmiana spyniajučysia na śvietłaforach. Mašyny pryvitalna syhnalili. Tam-siam u natoŭpie milhali holenyja hałovy i skurana-spartovyja stroi specsłužbistaŭ. Ale kamanda «blakiravać i raśsiakać» dadzienaja tak i nie była. Tolki kala ŭniversamu «Ryha» pjanavatyja maładziony sprabavali čaplacca da demanstrantaŭ. Ź ich paśmiajalisia dy paabiacali zdać u milicyju.
Siońnia ŭ Miensku adbyłosia šeście i mitynh, pryśviečanyja Mižnarodnamu dniu salidarnaści. Kalona ŭ niekalki sotniaŭ čałaviek prajšła šlacham niadaŭniaha Čarnobylskaha šlachu — ad Akademii Navuk da płoščy Banhałor, zakonapasłuchmiana spyniajučysia na śvietłaforach. Mašyny pryvitalna syhnalili. Tam-siam u natoŭpie milhali holenyja hałovy i skurana-spartovyja stroi specsłužbistaŭ. Ale kamanda «blakiravać i raśsiakać» dadzienaja tak i nie była. Tolki kala ŭniversamu «Ryha» pjanavatyja maładziony sprabavali čaplacca da demanstrantaŭ. Ź ich paśmiajalisia dy paabiacali zdać u milicyju.
Peŭna ŭpieršyniu za ŭsie 120 hadoŭ śviatkavańnia 1 traŭnia ŭ kalonie demanstrantaŭ nie było nivodnaha čyrvonaha ściaha. Spres bieł-čyrvona-biełyja. Kamunisty z svajoj symbolikaj čakali na Banhałory. Stałyja ludzi z čyrvonymi savieckimi štandarami navat rasčulilisia, kali moładź pačała vinšavać ich sa śviatam. Na scenie stajała aparatura, fyrčeŭ elektrahieneratar. Kolkaść udzielnikaŭ mitynhu dasiahnuła tysiačy. Vystupoŭcy-palityki čarhavalisia z vystupoŭcami-muzykami. Ina Kulej raspaviała, što źniavolenych lideraŭ apazycyi, jakija siadzieli na Akreścinie ŭ adnoj kamery, parassadžvali ŭ roznyja. «Nikoli nie dumaŭ, što budu ihrać na pieršatravieńskim mitynhu», — dziviŭsia Ihar Varaškievič. «Vystupał Uchnalov. Osudił vłasti. Siejčas budiet Dobrovolskij», — nadyktoŭvaŭ u telefon maładzion u skurancy. Reper z «Čyrvonym pa biełamu» ci ni ŭpieršyniu śpiavaŭ nie chavajučy tvaru. Jaho pieśniu «Maja Biełaruś» moładź sustreła ščyrymi vopleskami. Sarvaŭ avacyju i prafsajuzny dziajač Hienadź Fiadynič. Jon adrazu papiaredziŭ, što budzie dziakavać uładzie, i pračytaŭ vostryja mitynhovyja vieršy. Tym, chto nia ŭsio zapomniŭ, paabiacaŭ «paviesić» poŭny tekst na sajcie praca.by.
Schod pryniaŭ dźvie rezalucyi: pra nieabchodnaść admieny kantraktnaj systemy i vyzvaleńnia palitviaźniaŭ. Ich śpis praciahvaje pašyracca: pierad pačatkami mitynhu na płoščyJakuba Kołasa byŭ zatrymany chłapiec ź bieł-čyrvona-biełym ściaham. Paśla skančeńnia mitynhu za aŭtamabilem, na jakim źjaždžaŭ Stanisłaŭ Šuškievič z žonkaj, pajechali až try mašyny — adna milicejskaja i dźvie «cyvilnyja». Eks-Staršyni vidavočna prahnuć uručyć pazoŭ u sud za arhanizacyju masavaha mierapryjemstva.
Toje, što 1 traŭnia mienavita Dzień salidarnaści, a nia tolki Dzień pracy, aratary specyjalna padkreślivali. U vystupach, viadoma, zhadvalisia kantrakty, zarobki, pensii, raźmierkavańnie. Ale hety Pieršamaj byŭ mienavita demanstracyjaj palityčnaje salidarnaści. Ab jaje nieabchodnaści śviedčyła chacia b toj fakt, što sioleta treba sabracca kolkaściu ŭ tysiaču čałaviek, kab prajści na Banhałor. Try hady tamu apazycyju tudy jašče j supravadzili b ź mihałkami.