Pjany minčuk za niekalki hadzin ździejśniŭ dva DTZ i sprabavaŭ skraści mašynu sa štrafstajanki
Pra heta paviedamiła staršy inśpiektar pa ahitacyi i prapahandzie adździeła DAI Maskoŭskaha RUUS stalicy Luboŭ Trapaška. «Uviečary 21 krasavika ŭ DAI pastupiŭ sihnał, što ŭ dvary pa vuł.Słabadskoj adbyłosia DTZ. Paśla pryjezdu supracoŭnikaŭ Dziaržaŭtainśpiekcyi incydent byŭ vyčarpany. Adnak praź niekatory čas u DAI znoŭ byŭ pryniaty zvanok - nam paviedamili, što aŭtamabil» Sitrajen» urezaŭsia ŭ «Šeŭrale» i źjechaŭ ź miesca zdareńnia», - raspaviała Luboŭ Trapaška. Kali supracoŭniki DAI pačali afarmlać dakumienty pa hetym fakcie, abjaviŭsia parušalnik. Pavodle miedycynskaha ahladu, u kryvi ŭ jaho vyjaŭlena 2,82 pramile ałkaholu. Na hetym historyja nie skončyłasia. Aŭtamabil parušalnika byŭ źmieščany na štrafstajanku, ale praz karotki čas kiroŭca znoŭ zajaviŭ pra siabie. «Kali supracoŭniki DAI prybyli na stajanku paśla čarhovaha vykliku, uładalnik «Sitrajena» kružyŭ pa joj, sprabujučy sahnać aŭtamabil», - paviedamiła staršy inśpiektar. Akramia pazbaŭleńnia prava kiravańnia transpartnymi srodkami parušalniku pahražajuć surjoznyja štrafy.