U Breście kiroŭca «Volva» ŭrezaŭsia ŭ prypynak: try čałavieki surjozna paciarpieli
U Breście na vulicy Arłoŭskaj aŭtamabil urezaŭsia ŭ prypynak hramadskaha transpartu. DTZ adbyłosia 23 krasavika kala 18.10. U vyniku avaryi ź ciažkimi traŭmami dvoje mužčyn i žančyna dastaŭlenyja ŭ lakarniu, paviedamlaje pres-słužba DAI Bresckaj vobłaści.
Pavodle papiaredniaj infarmacyi, 36-hadovy žychar horada Hrodna, kirujučy aŭtamabilem «Volva», ruchaŭsia pa Partyzanskim praśpiekcie. Padčas pavarotu naprava, mužčyna nie spraviŭsia z kiravańniem, vyjechaŭ na tratuar, dzie začapiŭsia za słup i sutyknuŭsia z prypynkam.
Usie padrabiaznaści zdareńnia vyśviatlajuć supracoŭniki DAI.