24 krasavika — prezientacyja dyska «Śpievy Boskaj Liturhii śviatoha Jana Załatavusnaha»
Hreka-katalicki dušpastyrski centr Praviednaha Jazepa ŭ Minsku (vuł. Ardžanikidze, 6). Pačatak a 12.00.
Hreka-katalicki dušpastyrski centr Praviednaha Jazepa ŭ Minsku zaprašaje na prezientacyju dyska «Śpievy Boskaj Liturhii śviatoha Jana Załatavusnaha», jakaja adbudziecca 24 krasavika. Prezientacyja pačniecca ŭ 12.00 adrazu paśla niadzielnaj liturhii (pačatak liturhii ŭ 10.00) pa adrasie: vuł. Ardžanikidze, 6 (2 pavierch).
Tradycyjnyja napievy i tvory kampazitara Mikoły Ravienskaha byli zapisany pavodle «Carkoŭnaha śpieŭnika» i «Śpievaŭ Boskaj Liturhii» pad redakcyjaj Haja de Pikarda — anhlijska-francuskaha advakata i muzykaznaŭca, daśledčyka biełaruskaj kultury. Abychodny napieŭ — pavodle «Paleskaha zbornika».
Budzie pradstaŭleny taksama dakumientalny film pra vybitnuju postać Haja de Pikarda. Haj de Pikarda vyvučaŭ tvorčaść biełaruskich kampazitaraŭ Mikoły Ravienskaha, Mikoły Kulikoviča, žyćcio i dziejnaść Franciška Skaryny, raspracoŭvaŭ historyju pierakładaŭ Biblii na biełaruskuju movu, prablematyku historyi Vialikaha kniastva Litoŭskaha, Minska. Šmat uvahi addavaŭ pošuku staražytnych biełaruskich carkoŭnych śpievaŭ i ich vydańniu.
Bližej paznajomić z asobaj Haja de Pikarda hreka-katalicki śviatar Siarhiej Stasievič z Łondana.
Taksama arhanizatary pačastujuć haściej harbataj i sałodkim.