KNDR raźmiaściła na miažy 300 reaktyŭnych sistem załpavaha ahniu
KNDR raźmiaściła ŭ demilitaryzavanaj zonie z Paŭdniovaj Karejaj 300 novych reaktyŭnych sistem załpavaha ahniu kalibra 122 milimietra. Pra heta paviedamlaje Yonhap sa spasyłkaj na krynicy ŭ paŭdniovakarejskim vajskovym viedamstvie.
Paviedamlajecca, što sistemy majuć radyus dziejańnia kala 40 kiłamietraŭ i mohuć nakryć, u pryvatnaści, paŭnočnyja rajony stalicy Paŭdniovaj Karei Sieuła.
Pa słovach adnoj z krynic ahienctva, pracy pa raźmiaščeńni sistem išli z 2014 hoda. Ciapier kolkaść artyleryjskich ustanovak u demilitaryzavanaj zonie z boku KNDR pieravyšaje 600.