U Minsku nie chapaje miedsiaścior i lekaraŭ, a zamnoha - hruzčykaŭ, pradaŭcoŭ i dvornikaŭ
Upraŭleńnie zaniataści kamiteta pa pracy, zaniatasci i sacyjalnaj abaronie Minharvykankama apublikavała śpis najbolš zapatrabavanych i pracazališnich prafiesij na staličnym rynku pracy.
Pavodle źviestak kamiteta, na 1 krasavika 2016 hoda najbolš zapatrabavanymi śpiecyjalistami źjaŭlalisia: elektramanciory-liniejščyki (100 zajaŭlenych vakansij), uračy-śpiecyjalisty (416), dyrektary (147), inžyniery-prahramisty (93), miedsiostry (755), śpiecyjalisty roznych kvalifikacyj (132).
Siarod pracazališnich prafiesij: kiroŭcy aŭtamabilaŭ - 362 biespracoŭnyja na 45 svabodnych miescaŭ, hruzčyki - 596 (5), dvorniki - 127 (6), kładaŭščyki - 127 (15), pradaŭcy - 273 (109), rabočyja pa kompleksnaj uborcy - 286 (4 ), vartaŭniki - 106 (0), prybiralščyki pamiaškańniaŭ - 167 (76), prybiralščyki terytoryj - 140 (6), buchhałtary - 88 (39), elektrahazazvarščyki - 114 (26), pradprymalniki - 106 (0).
U studzieni-sakaviku 2016 hoda pa sadziejańnie ŭ pracaŭładkavańni ŭ słužby zaniataści Minska źviarnulisia 13.663 čałavieki, ź ich 12.534 biespracoŭnych.
Na kaniec sakavika ŭ Minsku 6.690 biespracoŭnych mieli prava na atrymańnie dapamohi, siaredni pamier jakoha skłaŭ 228,2 tys. rubloŭ.
Na pastajannuju ci časovuju pracu ŭładkavana 2.240 čałaviek, u tym liku 2.018 biespracoŭnych atrymali pastajannuju pracu. Pracaŭładkavana 140 asob, jakija abaviazany kampiensavać vydatki, zatračanyja dziaržavaj na ŭtrymańnie ich dziaciej. Akazana finansavaja padtrymka 38 biespracoŭnym u vyhladzie subsidyj dla arhanizacyi pradprymalnickaj dziejnaści.
Kansultacyju pa pytańniach prafiesijnaj padrychtoŭki, pierapadrychtoŭki i pavyšeńnia kvalifikacyi atrymali 3.186 čałaviek, arhanizavana navučańnie 434. U hramadskich rabotach uziali ŭdzieł 949 čałaviek, u tym liku 936 biespracoŭnych.
Kolkaść zajaŭlenych vakansij na pradpryjemstvach horada na 1 krasavika 2016 hoda skłała 6.267, u tym liku dla rabočych - 2.875.
U studzieni-sakaviku 2016 hoda zarehistravana bolš za 90,7 tys. zvarotaŭ sušukalnikaŭ pracy da elektronnaha banka vakansij u adździełach pracaŭładkavańnia i bolš za 3,7 młn - da elektronnaha banka vakansij, raźmieščanaha na sajcie Minharvykankama.