U Chomsie adčynili biełaruska-siryjski navukova-techničny centr
Biełaruska-siryjski navukova-techničny centr aficyjna adkryty 24 krasavika ŭ Chomsie (Siryjskaja Arabskaja Respublika) na terytoryi dziaržaŭnaha univiersiteta Baas.
Ź siryjskaha boku ŭ cyrymonii ŭziali ŭdzieł ministr vyšejšaj adukacyi SAR Machamied Amier al-Mardzini, hubiernatar pravincyi Choms Tałał Barazi i kiraŭnictva ŭniviersiteta Baas. Biełaruskuju delehacyju ŭznačaliŭ pasoł u Siryi Alaksandr Panamaroŭ.
Navukova-techničny centr u supracoŭnictvie ź Biełaruśsiu adkryŭsia ŭ Siryi ŭpieršyniu. Anałahičny centr byŭ adkryty ŭ BNTU ŭ Minsku ŭ lutym 2010 hoda. U tym ža hodzie było padpisana pahadnieńnie ab adkryćci Biełaruska-siryjskaha NTC u Siryi.
U ramkach supracoŭnictva płanujecca abmien studentami pamiž Biełaruśsiu i SAR dla prachodžańnia praktyki, prafiesarska-vykładčyckim składam z metaj vyvučeńnia mietodyki vykładańnia i raźvićcio kulturna-sacyjalnych adnosin.
Pa słovach rektara univiersiteta Baas Achmada Subchi, u VNU prachodziać navučańnie 120 tysiač studentaŭ. Navučalny praces nie spyniaŭsia na praciahu ŭsich hadoŭ vajny ŭ Siryi. Rektar adznačyŭ, što na terytoryi ŭniviersiteta padčas kryzisu nie adbyłosia nivodnaha teraktu i ŭzbrojenaha sutyknieńnia, niahledziačy na toje što histaryčny centr Chomsa da 2013 hoda byŭ pad kantrolem uzbrojenych radykalnych hrupovak.