«Słuck» vyjhraŭ u «Šachciora», «Naftan» i «Haradzieja» zhulali ŭničyju 0:0
U niadzielu, 24 krasavika, prachodziać čarhovyja matčy 4-ha tura čempijanatu Biełarusi pa futbole ŭ vyšejšaj lizie. «Naftan» i «Haradzieja» zhulali ŭničyju 0:0. «Słuck» vyjhraŭ u salihorskaha «Šachciora» — 1:0. Adziny hoł na 85-j chvilinie zabiŭ Ihar Babko. Adznačym, što z 15-j chviliny sustrečy harniaki hulali ŭ mienšaści — byŭ vydaleny sierbski abaronca Nikoła Ihniacijevič. Niepryjemny epizod adbyŭsia na 79-j chvilinie, kali paśla sutyknieńnia na poli na nasiłkach vynieśli hulca «Słucka» Ihara Varankova. Jaho źviezła «chutkaja». Darečy, siońnia ŭ Varankova dzień naradžeńnia.
Siońnia taksama adbuducca jašče dva matčy: «Minsk» — «Biełšyna», BATE — «Dynama» (Minsk). U subotu prajšli try matčy. «Krumkačy» vyjhrali ŭ «Słavii» — 1:0, «Isłač» u haściach pieramahła «Viciebsk» — 2:1, a bresckaje «Dynama» vyjhrała ŭ «Niomana» — 2:0.
Tur zavieršycca ŭ paniadziełak matčam «Hranit» — «Tarpieda-BiełAZ».