U Kišyniovie tysiačy ludziej udzielničajuć u pratestnaj akcyi
Akcyju pratestu arhanizavała Hramadzianskaja płatforma «Hodnaść i spraviadlivaść».
U Kišyniovie prachodzić mitynh z patrabavańniem adstaŭki ŭradu, rospusku parlamentu i praviadzieńnia daterminovych parlamenckich vybaraŭ adnačasova z vybarami prezydenta, pryznačanymi na 30 kastryčnika. Mitynhoŭcy skandujuć «Vybary!», «Dałoŭ mafiju!», «Dałoŭ ŭrad!».
Pavodle infarmacyi palicyi, u akcyi biaruć udzieł 7-8 tysiač čałaviek, arhanizatary zajaŭlajuć, što na mitynh vyjšli dziasiatki tysiač.
Jak paviedamlaje «Interfaks», ruch praz centar małdaŭskaj stalicy całkam zablakavany. Prykładna za hadzinu da pačatku mitynhu praz centar Kišyniovu pierastaŭ chadzić hramadzki transpart.
Pavodle dadzienych arhanizataraŭ pratestu, tysiačy manifestantaŭ byli zablakavanyja palicyjaj na ŭjezdach u Kišynioŭ. Adznačajecca, što ŭ niadzielu biez tłumačeńnia pryčyn z mnohich rajonaŭ byli admienienyja rejsavyja aŭtobusy i maršrutnyja taksi na Kišynioŭ.