U Biełarusi źnižajuć ceny na skupku zołata ŭ nasielnictva
Ministerstva finansaŭ Biełarusi źnižaje ceny na kaštoŭnyja mietały ŭ vyrabach i ŭ łomie pry skupcy ŭ nasielnictva. Vyklučeńnie — nabyćcio bankami i inšymi kredytna-finansavymi arhanizacyjami miernych źlitkaŭ i maniet u fizičnych asobaŭ.
Źnižeńnie cenaŭ vyznačajecca pastanovaj Minfinu №26 ad 19 krasavika, jakaja dniami była apublikavanaja na Nacyjanalnym pravavym internet-partale. Pavodle dakumienta, z 25 krasavika cana za hram zołata ŭ vyrabach i łomie źmienšycca na 6,3%. Zołata 375-j proby budzie kaštavać 249 770 rubloŭ, 500-j proby — 333 020, 583-j i 585-j probaŭ — 389 640.
Cana płaciny 950-j proby źnizicca amal na 6,2% i składzie 490 370 rubloŭ. Srebra patańnieje amal na 9% i kali heta, naprykład, 875-ja proba, to hram takoha mietału budzie kaštavać 7 170 rubloŭ.
Taksama paniziacca košty na zubnyja pratezy i elemienty zubnych pratezaŭ z utrymańniem kaštoŭnych mietałaŭ.
Apošnim razam ceny na skupku kaštoŭnych mietałaŭ u nasielnictva mianialisia 10 sakavika i tady jany pavysilisia.
X