Na prezidenckich vybarach u Aŭstryi lidziruje kandydat ad krajnie pravych
Pavodle papiarednich vynikaŭ prezidenckich vybaraŭ u Aŭstryi, jakija adbylisia ŭ niadzielu, 24 krasavika, u druhi tur hałasavańnia vyjšaŭ Norbiert Chofier, jaki pradstaŭjaje pravapapulisckuju Aŭstryjskuju partyju svabody. Jon lidziruje z vynikam 36,7%.
Pakul nie jasna, chto budzie supierničać ź im u druhim tury. Baraćbu za druhoje miesca viaduć były lidar «zialonych» Alaksandr Van der Belen i niezaležnaja kandydat Irmhard Hrys
Van der Belen nabraŭ 19,7 adsotka, a Hrys — 18,8. Druhi tur vybaraŭ zapłanavany na 22 maja
Kandydaty ad palityčnych siłaŭ, jakija ŭvachodziać u kirujučuju kaalicyju —Sacyjał-demakratyčnaj partyi Aŭstryi i kansiervatyŭnaj Aŭstryjskaj narodnaj partyi — upieršyniu za paślavajenny čas nie prajšli ŭ druhi tur hałasavańnia.
Na pasadu prezidenta Aŭstryi pretendavali šeść čałaviek. Dziejny kiraŭnik dziaržavy Chajnc Fišer, jaki 12 hadoŭ znachodzicca na hetaj pasadzie, nie mieŭ prava bałatavacca znoŭ.
U Aŭstryi prezident abirajecca ŭsienarodnym hałasavańniem terminam na 6 hadoŭ i vykonvaje ŭ asnoŭnym reprezientatyŭnyja funkcyi. Vykanaŭčuju ŭładu ŭznačalvaje fiederalny kancler.
U toj ža čas, pavodle kanstytucyi krainy, prezident źjaŭlajecca hałoŭnakamandujučym uzbrojenych sił i ŭ niekatorych vypadkach moža raspuścić parłamient.