Prajeŭrapiejskaja partyja ŭpeŭniena pieramahła na vybarach u Sierbii
Pa dadzienych ekzitpołaŭ, na parłamienckich vybarach u Sierbii pieramahaje kaalicyja «Alaksandr Vučyč — Sierbija pieramahaje», sfarmavanaja vakoł kirujučaj Sierbskaj prahresiŭnaj partyi (SPP).
Pra heta paviedamiŭ Centr za svabodnyja vybary i demakratyju (CJeSID), pa padlikach jakoha hetaja kaalicyja atrymaje jak minimum 56,2% hałasoŭ.
Na druhim miescy z 10,9% — kaalicyja, sfarmavanaja vakoł Sacyjalistyčnaj partyi Sierbii na čale ź ciapierašnim pieršym vice-premjeram i ministram zamiežnych spraŭ Ivicam Dačyčam.
Na trecim z 7,3% — Sierbskaja radykalnaja partyja na čale z Voisłavam Šešalem. Dla taho, kab prajści ŭ parłamient, partyjam i kaalicyjam nieabchodna pieraadoleć piacipracentny barjer.
Partyja była zasnavana ŭ 2008 hodzie, znachodzicca va ŭładzie z 2012-ha. Atrymała absalutnuju bolšaść na vybarach dva hady tamu, što stała biesprecedentnym dla Sierbii vynikam. Imkniecca da siabroŭstva ŭ ES, ale taksama vystupaje za zachavańnie dobrych adnosinaŭ z Rasijaj.