«Lufthanza» z-za strajku zaŭtra admienić mnostva palotaŭ na mižnarodnych rejsach
U strajku, zapłanavanym na 27 krasavika, voźmuć udzieł supracoŭniki aeraportaŭ Kiolna/Bona, Miunchiena, Dziusieldorfa, Frankfurta-na-Majnie, Miunchiena, Dortmunda i Hanoviera. Jon budzie doŭžycca z 3:00 da 14:00. Avijakampanija «Lufthanza» abviaściła pra admienu mnohich palotaŭ na ŭnutranych i mižnarodnych rejsach i ŭviadzieńni časovaha nadzvyčajnaha raskładu z-za zabastoŭki.
Papieradžalnyja zabastoŭki hramadskich słužbaŭ taksama projduć u roznyja dni ŭ Bierlinie, niekatorych haradach fiederalnych ziamiel Brandenburh, Paŭnočny Rejn — Viestfalija, Hiesen, Bavaryja, a taksama ŭ rehijonie Štuthart. U hetyja dni z abmiežavańniami buduć pracavać hramadski transpart, u tym liku na pryharadnych čyhunačnych linijach, dziciačyja sady, hramadskija basiejny, telefonnyja infarmacyjnyja słužby, słužba uborki śmiećcia, balnicy.
Najbujniejšy niamiecki prafsajuz Ver.di pravodzić papieradžalny trochdzionny strajk u roznych fiederalnych ziemlach Hiermanii z paniadziełka, 25 krasavika.
Pryčyna strajka — daŭniejšaja taryfnaja sprečka, u jakoj prafsajuz raźličvaje damahčysia pavyšeńnia zarobku na 6% pracentaŭ dla rabotnikaŭ dziaržaŭnych i municypalnych arhanizacyj.
Artykuł drukujecca ŭ miežach śpiecyjalnaj rubryki «Naviny Hiermanii»