Łukašenka ŭ hadavinu Čarnobylskaj trahiedyi naviedaje Homielskuju vobłaść
Alaksandr Łukašenka zrobić siońnia rabočuju pajezdku ŭ Homielskuju vobłaść, u chodzie jakoj aznajomicca z raźvićciom rajonaŭ, paciarpiełych ad avaryi na Čarnobylskaj AES.
Płanujecca, što ŭ Jelskim rajonie kiraŭnik dziaržavy naviedaje adno ź sielhaspradpryjemstvaŭ, dzie jaho prainfarmujuć ab vytvorča-ekanamičnym raźvićci rehijonu, zaviaršalnym etapie viesnavych palavych rabot, pracy pa stvareńni tryvałaj karmavoj bazy dla zabieśpiačeńnia intensiŭnaha raźvićcia žyviołahadoŭli.
U ahraharadku Dabryń Alaksandr Łukašenka aznajomicca ź mierami, što prymajucca pa stvareńni ŭmoŭ dla kamfortnaha pražyvańnia nasielnictva ŭ sielskaj miascovaści i rajonach, paciarpiełych ad čarnobylskaj avaryi. U centry ŭvahi buduć pytańni raźvićcia sacyjalnaj infrastruktury i dobraŭparadkavańnia, hazifikacyi paciarpiełych rajonaŭ, paviedamlaje pres-słužba kiraŭnika krainy.
Čakajecca, što Łukašenka taksama aznajomicca z pracaj arhanizacyj Biełkaapsajuza ŭ pytańni handlovaha dy inšaha absłuhoŭvańnia nasielnictva, jakoje pražyvaje ŭ čarnobylskich rajonach.
Prykancy zapłanavany ŭdzieł kiraŭnika dziaržavy ŭ finalnym kancercie dabračynnaha tvorčaha marafona «Adradžeńnie», pryśviečanaha 30-j hadavinie katastrofy na ČAES.