ES pačaŭ budaŭnictva Transadryjatyčnaha hazapravoda
U ES pačałosia budaŭnictva Transadryjatyčnaha hazapravoda (TAP). Pra heta paviedamlaje TASS sa spasyłkaj na pradstaŭnika Jeŭrakamisii Marharycisa Schinasa. U Sałonikach siońnia prachodzić aficyjnaja cyrymonija pačatku budaŭnictva hazapravoda.
Praciahłaść hazapravoda budzie bolš za 800 km, jon źviaža Hrecyju i Italiju praz Adryjatyčnaje mora i Bałkany.
Pa terytoryi Hrecyi projdzie 550 km hazapravoda. U Minenierha Hrecyi ličać, što dziakujučy hazapravodu ŭ krainie budzie stvorana ad 8 da 10 tysiač novych pracoŭnych miescaŭ, hrečaskija kampanii zmohuć udzielničać u pracach i pastaŭkach budmateryjałaŭ. Hrecyja ŭpieršyniu zojmie miesca na enierhietyčnaj mapie rehijonu.
TAP źjaŭlajecca kančatkovym źvianom Paŭdniovaha hazavaha kalidora, jaki praduhledžvaje budaŭnictva da 2019 hoda sistemy hazapravodaŭ TANAP-TAP ad azierbajdžanskaha radovišča «Šach-Deniz» praz Hruziju, Turcyju, Hrecyju, Ałbaniju na poŭdzień Italii.
U JEK miarkujuć, što novy hazapravod uzmocnić biaśpieku enierhietyčnaha zabieśpiačeńnia paŭdniovaha ŭschodu Jeŭropy. Inviestycyi ŭ hety prajekt składajuć zvyš za 5,5 młrd jeŭra.