velcom daje mahčymaść biaspłatnych razmoŭ u sielskaj miascovaści
Apieratar velcom pradstaviŭ mahčymaść biaspłatnych razmoŭ u sielskaj miascovaści: havorka idzie pra novych abanientaŭ taryfnaha płana «Suviaź biez abaviazacielstvaŭ».
Jak paviedamlaje pres-słužba apieratara, bieźlimitnyja zvanki dla novych abanientaŭ nazvanaha taryfnaha płanu dziejničajuć da kanca biahučaha hoda. Kab imi skarystacca, treba padklučycca na «Suviaź biez abaviazacielstvaŭ» da 31 žniŭnia. U hetym vypadku abanienty taksama atrymlivajuć pa 1 HB internet-trafiku na 30 dzion. Pry hetym jany vyzvalenyja ad abanienckaj płaty, dziejničaje tolki razavy płaciož za aktyvacyju — 34 500 rubloŭ.
Pavodle infarmacyi apieratara, bieźlimitnyja zvanki pa nulavych taryfach i biez abanienckaj płaty dastupnyja va ŭsich rehijonach Biełarusi. Adzinaja ŭmova — padčas vykliku treba znachodzicca na terytoryi małych nasielenych punktaŭ abo sielskaj miascovaści (u taryfnaj zonie «Vobłaść»). Biaspłatnyja razmovy nie raspaŭsiudžvajucca na stalicu, abłasnyja i rajonnyja centry.
Dziejnyja abanienty taryfnaha płana «Suviaź biez abaviazacielstvaŭ» zmohuć ździajśniać biaspłatnyja hałasavyja vykliki ŭnutry sietki ź sielskaj miascovaści z 16 maja pa 15 lipienia 2016 hoda.
Nahadajem, taryfny płan «Suviaź biez abaviazacielstvaŭ», pavodle zadumy velcom, pavinien dazvolić zekanomić na spažyvańni mabilnaha internetu i hałasavych vyklikaŭ. Košt zvankoŭ zaležyć ad taryfnaj zony, u jakoj znachodzicca abanient. Usiaho ich try — «Abłasny centr» (zvanki z abłasnych centraŭ), «Rehijon» (zvanki z rajonnych centraŭ) i «Vobłaść» (zvanki ź inšych nasielenych punktaŭ). Najbolšuju cikavaść taryf ujaŭlaje dla žycharoŭ sielskaj miascovaści.