Lidar apazicyi Vieniesueły: armija pavinna vybrać, na čyim jana baku
Paśla taho jak u Vieniesuele było ŭviedziena nadzvyčajnaje stanovišča, lidar apazicyi Enrykie Kapryles Radonski zaklikaŭ armiju vyznačycca, kaho jana padtrymlivaje — kanstytucyju ci prezydenta Maduru.
Prezident Madura ŭvioŭ nadzvyčajnaje stanovišča terminam na 60 dzion, nadzialiŭšy sałdat i palicyju šyrokimi paŭnamoctvami ŭ situacyi, kali ekanamičny kryzis abvastrajecca z kožnym dniom. Pa słovach Kaprylesa, hety ŭkaz daŭ prezidentu niekanstytucyjnyja paŭnamoctvy.
Lidar apazicyi zaklikaŭ žycharoŭ Vieniesueły ihnaravać prezidencki ŭkaz i vyjści ŭ sieradu na vulicy.
«My, vieniesuelcy, nie budziem pryznavać hety ŭkaz. Jon raŭnasilny tamu, što Madura stavić siabie vyšej za kanstytucyju, — skazaŭ žurnalistam Kapryles. — Kali jon choča ažyćciavić svoj ukaz, jamu adrazu ž treba rychtavacca da razhortvańnia tankaŭ i vajskovych samalotaŭ».
«I ja kažu uzbrojenym siłam: nastaje momant iściny, vy pavinny vyrašyć, z kim vy — z kanstytucyjaj abo z Maduram», — skazaŭ lidar apazicyi.
Kapryles zajaviŭ taksama, što apazicyja nie zaklikaje da vajskovaha pieravarotu, a vystupaje za toje, kab Madura syšoŭ u vyniku zakonnaha i kanstytucyjnaha pracesu - refierendumu pa jaho adstaŭcy.
Praź niekalki hadzin paśla pres-kanfierencyi Kaprylesa prezident Madura pravioŭ bryfinh dla zamiežnych žurnalistaŭ.
Jon skazaŭ, što apazicyja prapuściła krajni termin dla praviadzieńnia refierendumu i padała sfalsifikavanyja podpisy.
Dva tydni tamu apazicyjnyja palityki pieradali ŭładam pietycyju, jakuju padpisali 1,85 miljona čałaviek, što značna vyšej za 1% ad ahulnaj kolkaści zarehistravanych vybarščykaŭ, nieabchodnaha dla praviadzieńnia ŭsieahulnaha hałasavańnia.
U kanstytucyi havorycca, što refierendum, jaki vyrašyć los prezidenta, adbudziecca tolki ŭ tym vypadku, kali druhuju pietycyju padpišuć prynamsi 20% vybarščykaŭ, ci amal čatyry miljony čałaviek.
Ale ŭrad užo jasna daŭ zrazumieć, što refierendumu nie budzie.
Madura abvinavaciŭ ZŠA ŭ tym, što jany stajać na čale «zmovy» z metaj ŭvieści ŭ Vieniesuełu zamiežnyja vajennyja padraździaleńni i zrynuć prezidenta.
Jon zajaviŭ zamiežnym žurnalistam, što na praciahu minułaha tydnia amierykanski vajskovy samalot dvojčy ŭryvaŭsia ŭ pavietranuju prastoru Vieniesueły bieź nieabchodnaha dazvołu.
Zamiežnyja palityki i ŚMI sprabujuć pasiejać chaos u Vieniesuele, kab abhruntavać vajskvovaje ŭvarvańnie, zajaviŭ Madura.
«Usia hetaja kampanija viadziecca centralizavana. Isnuje voś: Madryd, Majami i Vašynhton. Jość centr, dzie ŭsio płanujecca, nakiroŭvajecca, łabirujecca, prasoŭvajecca i finansujecca. Hety centr znachodzicca ŭ Vašynhtonie», - zajaviŭ lidar Vieniesueły.
Jon paabiacaŭ dać adpor hetaj kampanii i zrabić usio, što ŭ jaho siłach, kab «i dalej pieramahać u baraćbie za unutrany mir».