Ministram pa suchaputnych vojskach ZŠA staŭ adkryty hiej
Sienat ZŠA zaćvierdziŭ kandydaturu 47-hadovaha Eryka Feninha na pasadzie ministra armii, jaki zajmajecca kaardynacyjaj pracy suchaputnych sił ZŠA.
NY Times
Takim čynam, Feninh staŭ pieršym adkrytym hiejem, jaki ŭznačaliŭ adzin z rodaŭ vojskaŭ u ZŠA ŭ jakaści cyvilnaha kiraŭnika.
Novy ministr suchaputnych vojskaŭ čakaŭ zaćviardžeńnia svajoj kandydatury na praciahu vaśmi miesiacaŭ. Hetamu pieraškadžaŭ sienatar-respublikaniec ad Kanzasa Pet Robierts, jaki chacieŭ atrymać ad budučaha ministra harantyi, što ni adzin sa źniavolenych turmy ŭ Huantanama, u vypadku, kali ŭ Baraka Abamy atrymajecca jaje zakryć, nie budzie pieraviedzieny ŭ Kanzaskuju turmu.
Robierts uchvaliŭ pryznačeńnie Feninha tolki paśla taho, jak namieśnik ministra abarony Robiert Vork rastłumačyŭ jamu, što času, chto zastaŭsia na pasadzie Abamie, naŭrad ci chopić na toje kab zakryć turmu ŭ Huantanama.