Pad Navahrudkam piensijanierka padpaliła dom susiedki, jakaja nie chacieła addavać pazyku
U Navahrudskim rajonie 72-hadovaja piensijanierka adpraviłasia da 65-hadovaj adnaviaskoŭki patrabavać viartańnia daŭhoŭ. Uvajšoŭšy ŭ niezamkniony dom, haspadyni nie vyjaviła. Paličyŭšy, što daŭžnica zaŭvažyła jaje z akna i, nie žadajučy raźličvacca, źbiehła, piensijanierka vyrašyła adpomścić. Padpaliła bytavoje śmiećcie i adzieńnie haspadyni. Paśla hetaha vyjšła z domu, schavałasia niedaloka ad jaho ŭ vysokaj travie, nazirała, jak połymia achoplivaje budynak. Dom całkam nie zhareŭ tolki dziakujučy druhoj susiedcy, jakaja zaŭvažyła kłuby dymu i vyklikała pažarnych. Zmahary z ahniom prybyli apieratyŭna, likvidavali pažar, ale žyllo ŭnutry paśpieła vyhareć dobra-taki.
Vyznačyŭšy sumiesna z ekśpiertami pryčynu pažaru, śledčyja raspačali ŭ dačynieńni da padpalščycy kryminalnuju spravu pa fakcie zamachu na naŭmysnaje źniščeńnie majomaści ahulnaniebiaśpiečnym sposabam. Pamier naniesienaj škody vyznačajecca.
Anałahičnaje złačynstva ździejśniena ŭ Iŭjeŭskim rajonie. Tam u ździajśnieńni padpału niežyłoha viaskovaha doma padazrajucca dva braty, 1975 i 1988 hadoŭ naradžeńnia, adzin ź jakich maje kryminalnaje minułaje. Padpaleny imi budynak zhareŭ praktyčna całkam.