U lipieni ŭ vaśmi ciahnikach minskaha mietro puściać «biahučy radok»
U lipieni hetaha hoda ŭ vaśmi sastavach Minskaha mietrapalitena źjavicca «biahučy radok» — śviatładyjodnaje infarmacyjnaje tabło.
Jak paviedamlaje BiełTA sa spasyłkaj na pres-słužbu staličnaha mietro, na siońnia «biahučy radok» pracuje ŭ šaści sastavach pieršaj linii i ŭ dvuch sastavach druhoj. U pačatku lipienia takija tabło źjaviacca jašče ŭ vaśmi sastavach, a da kanca hoda — u 24.
Tabło «biahučy radok» raspracavanaje i vyrablenaje na pradpryjemstvie «Intehrał». Jano dubluje ŭsie paviedamleńni vahonnaha maŭlenčaha infarmatara. Takaja pryłada asabliva važnaja dla ludziej z asłablenym słycham.
Na siońnia na dźviuch linijach minskaha mietro kursirujuć 72 sastavy ciahnikoŭ. Za minuły hod pasłuhami padziemki skarystalisia 305 miljonaŭ pasažyraŭ.