U internecie źjaviłasia pieršaje videa sakretnaha branievika ad MZKC VIDEA
U Internecie źjaviłasia videa ajčynnaha bronieaŭtamabila, raspracavanaha na Minskim zavodzie kołavych ciahačoŭ. Karystalnik Livejournal Safaniuk apublikavaŭ rolik u svaim błohu.
Novy bronieaŭtamabil maje całkam niezaležnuju dvuchryčažnuju spružynnuju padviesku, jakaja dobra «hłytaje» jamy i vyboiny. Miarkujučy pa abrysach, na kadrach — makietny ŭzor broniemašyny, jaki prachodzić testavańnie. Padrabiaznaściaŭ ab novym bronieaŭtamabili pradpryjemstva nie vydaje.
safaniuk.livejournal.com
Na MZKC užo vypuskajecca śpiecyjalnaja braniravanaja mašyna «Lis-PM». Jana raźličana na pieravozku da 10 čałaviek pa darohach ŭsich katehoryj, raźvivaje chutkaść da 120 km/h i maje zapas chodu paradku 900 km.
U 2015 hodzie na štohadovym paradzie ŭ honar Dnia Pieramohi byli pakazany branieviki «Lis-PM», uzbrojenyja 12,7-mm kulamiotam NSV i 30-mm hranatamiotam AH-17.