Paśla denaminacyi bujnyja sumy starych hrošaj pamianiajuć pa pašparcie
Klijentam, jakija pasprabujuć paśla denaminacyi abmianiać sumu bolš za 1000 bazavych vieličyń (Br210 młn), pryjdziecca pakazać pašpart. Taki adkaz daŭ Nacbank na zvarot Asacyjacyi biełaruskich bankaŭ.
Zvarot tyčyŭsia prymianieńnia zakanadaŭstva, jakoje praduhledžvaje praduchileńnie lehalizacyi złačynnych dachodaŭ padčas abmienu hrošaj paśla denaminacyi.
List rehulatara tyčyŭsia nie tolki nieabchodnaści identyfikavać klijenta, jaki mianiaje bujnuju sumu hrošaj. Kali bank nie moža vyznačyć, adkul u taho ci inšaha čałavieka źjavilisia srodki, Nacbank raić abapiercisia na prykmiety padazronaści finansavaj apieracyi. Daviedacca pra jaho možna ŭ instrukcyi pra patrabavańni da pravił unutranaha kantrolu, pryniataj u 2014 hodzie.