Ryhoni: Parłamienckija vybary stanuć važnym etapam na šlachu narmalizacyi adnosinaŭ Biełarusi ź ES i Radaj Jeŭropy
Parłamienckija vybary stanuć važnym etapam nie tolki dla raźvićcia samoj Biełarusi, ale i na šlachu narmalizacyi jaje adnosin z Radaj Jeŭropy i Jeŭrasajuzam, zajaviŭ dakładčyk pa Biełarusi Parłamienckaj asamblei Rady Jeŭropy (PARIE) Andrea Ryhoni, vystupajučy 18 maja ŭ Minsku na pasiadžeńni kruhłaha stała «Standarty praviadzieńnia vybaraŭ i ŭdaskanaleńnie vybarčaha pracesu ŭ Respublicy Biełaruś».Mierapryjemstva arhanizavanaje PASIE sumiesna z Nacyjanalnym schodam Biełarusi.
«Palepšyć zakanadaŭstva i praktyku praviadzieńnia vybaraŭ — značyć pavysić uzrovień demakratyi ŭ krainie. U nas adna meta — kab u Biełarusi prajšli demakratyčnyja i svabodnyja vybary», — padkreśliŭ Ryhoni.
Jon adznačyŭ: padčas kruhłaha stała baki chacieli b abmierkavać toje, što «dobra pracavała na prezidenckich vybarach 2015 hoda», a taksama «pahladzieć, kali praces daŭ prałomy, jakija možna załatać».
Pry hetym dakładčyk ličyć, što pradstaŭnikoŭ Biełarusi nieabchodna zaprašać na ŭsie mierapryjemstvy PASIE, jakija tyčacca vybarnaj tematyka. «Z časam Biełaruś pavinna ŭvajści ŭ PASIE», — skazaŭ Ryhoni.
Pavodle jaho słoŭ, dla narmalnaha funkcyjanavańnia parłamienta nieabchodnyja dva baki — bolšaść i apazicyja. Parłamient pavinien być «sajuzam hłybakadumnych ludziej, jakija hatovyja da dyskusii», zajaviŭ dakładčyk.
Ryhoni pierakanany, što pakrokavaje zbližeńnie Strasburha i Minska, dyjałoh nie majuć alternatyvy. «Heta adziny šlach rostu jeŭrapiejskich standartaŭ u Biełarusi», — padkreśliŭ palityk.
U svaju čarhu načalnik adździeła pa demakratyi i nazirańni za vybarami Jeŭrapiejskaj słužby źniešnich suviaziaŭ Emanuel Žafre vykazaŭ nadzieju na toje, što parłamienckija vybary stanuć «novaj viachoj u pracesie demakratyzacyi Biełarusi». Sam chod vybaraŭ, a taksama pradstaŭnictva palityčnych partyj u parłamiencie buduć važnymi aśpiektami pry acency ich vynikaŭ, dadaŭ jon.
Pavodle słoŭ Žafre, strukturnych reformaŭ da hetych vybaraŭ čakać składana, «ale peŭnych pośpiechaŭ možna damahčysia i rehulacyjnym šlacham».
Dla kiraŭnika delehacyi Jeŭraparłamienta pa suviaziach ź Biełaruśsiu Bohdana Zdrajeŭski «žadańnie biełaruskaha boku mianiacca źjaŭlajecca sihnałam». «Heta moža palepšyć adnosiny Biełarusi i ES», — ličyć polski deputat.
Parłamienckija vybary ŭ Biełarusi pavinny prajści 11 vieraśnia.