«Zihavańnie» rastoŭskich školnikaŭ pryznali hulnioj u «pakažy, dzie sonca»
Hrupu školnikaŭ z rasijskaha Rastova-na-Donie, jakija nibyta pakazvali rukami nacyscki znak vitańnia, pryznali nievinavatymi ŭ raspalvańni varožaści. 22 krasavika, u hadavinu z dnia narodzinaŭ Adolfa Hitlera ŭ internecie źjaviłasia fota, dzie padletki stajać hrupaj i «zihujuć». Incydentam zaniaŭsia rasijski Śledčy kamitet.
U aficyjnaj zajavie pa vynikach daśledčaj pravierki pravaachoŭniki śćviardžajuć, što nijakaj akcyi ŭšanavańnia pamiaci lidara nacystaŭ nie było. Hrupa vaśmikłaśnikaŭ patłumačyła, što ich sfatahrafavali padčas hulni «Pakažy, dzie sonca». Sens hulni ŭ tym, što luby čałaviek z kampanii pavinien raptoŭna kryknuć: «Pakažy, dzie sonca», a astatnija pavinny chutka pakazać na sonca rukoj.
U Śledčym kamitecie zajaŭlajuć, što padletki nie źbiralisia raspalvać varožaść abo prynižać čałaviečuju hodnaść, a taksama prapahandavać nacysckuju simvoliku. Usie školniki, jakija trapili ŭ kadr, charaktaryzujucca stanoŭča i nie majuć prablemaŭ z zakonam