Brutto i Re1ikt — lidary muzyčnaj premii Rock Profi 2016
Abvieščanyja naminanty biełaruskaj prafiesijnaj muzyčnaj premii Rock Profi 2016. Čaściej za ŭsich – u čatyroch ź piaci naminacyj – zhadvajucca rok-hurtyBruttoiRe1ikt. Pieramožcaŭ nazavuć 26 maja na cyrymoniiŭ kłubie ili.
Uznaharody isnujuć z 2013 hoda i adlustroŭvajuć mierkavańnie nie žurnalistaŭ i inšych pryznačanych ekśpiertaŭ, a niepasredna tych, chto stvaraje biełaruskuju muzyku. Los Rock Profi 2016 vyznačajuć bolš za 60 artystaŭ, jakija vydali albomy ŭ stylistycy rok, indzi, alternatyva ŭ 2013, 2014 i 2015 hadach. Pracedura hałasavańnia prazrystaja – paśla ŭznaharodžańnia arhanizatary publikujuć poŭnyja spravazdačy pa tym, chto za kaho hałasavaŭ.
Brutto i Re1ikt zhadvajucca ŭ čatyroch naminacyjach: «Lepšy albom», «Lepšy zapis», «Lepšaja pieśnia» i «Artyst hoda». Try naminacyi ŭ hurta «Sieriebrianaja svad́ba», dźvie – u Shuma. Ahułam byli razhledžany 45 albomaŭ, a taksama 91 pieśnia, vydadzienaja ŭ vyhladzie sinhłaŭ i klipaŭ z 1 studzienia da 31 śniežnia 2015 hoda. Arhanizatarami premii źjaŭlajucca Pavieł Jurcevič (studyja «Osmas», kłub ili) i Źmicier Biezkaravajny (Experty.by).
– U hetym hodzie u miežach Rock Profi rekordnaja kolkaść prahałasavaŭšych – 66 artystaŭ. Pa vynikach pieršaha tura jość naminacyi z adnym lidaram i jość naminacyi z roźnicaj pamiž lidarami ŭ 1-2 bały, pry tym, što suma kožnaha ź viadučych pretendentaŭ pieravyšaje 100. Pieramožcy buduć vyznačanyja ŭ druhim tury hałasavańnia, jaki startuje siońnia, – adznačyŭ Źmicier Biezkaravajny.
Na cyrymonii ŭručeńnia 26 maja ŭ kłubie ili vystupiać hurty Intelligency, True Litwin Beat, Unhuman Remains, Slowner, «Siestričkin łuč». Pačatak u 19.00. Košt kvitkoŭ: 200 tys. rub. Kolkaść miescaŭ abmiežavanaja. Infalinija: (029) 629 86 98.
NAMINANTY (u ałfavitnym paradku)
Najłjepšy albom: Brutto «Rodny kraj», Kaśsiopieja «Kriestik», Re1ikt «Lekavyja travy», Shuma «Žnivo».
Najlepšy zapis (pryz hukarežysioram): Andrej Babroŭka za Brutto «Rodny kraj», Alaksandr Hielich za Sieriebrianaja Svad́ba «Muzyka - vsio!», Alexis Scorpio i Nick Cherny za Shuma «Žnivo», Pavieł Siniła za Re1ikt «Lekavyja travy».
Najłjepšaja pieśnia: Brutto «Rodny kraj», Krambambula «Kab my kali kamu čaho», Re1ikt «Chadziła hałota», Sieriebrianaja svad́ba «Adieu La Tete».
Debiut hoda: Harotnica, NABR, Super Besse, Teleport.
Artyst hoda: Brutto, Daj darohu!, Re1ikt, Sieriebrianaja svad́ba.