Šviejcaryja rychtujecca da refierendumu ab harantavanym dachodzie: $2,5 tys. u miesiac
Šviejcaryja u niadzielu stanie pieršaj krainaj u śviecie, jakaja praviadzie refierendum nakont pytańnia ab uviadzieńni harantavanaha dachodu.
U vypadku stanoŭčaha adkazu na pytańnie, jakoje budzie zadadzienaje vybarščykam, kožnamu darosłamu hramadzianinu Šviejcaryi, jaki pražyvaje ŭ krainie, budzie harantavana vypłata pamieram 2,5 tysiač šviejcarskich frankaŭ (2,5 tysiač dalaraŭ) u miesiac, niezaležna ad taho, ci jość u jaho praca.
Prychilniki hetaj idei pakazvajuć, što ŭ naš čas lik pracoŭnych miescaŭ u mnohich tradycyjnych halinach ekanomiki pastajanna skaračajecca pad naporam rabatyzacyi.
U krainie ŭžo adbyłosia niekalki demanstracyj u padtrymku prapanovy, padčas jakich pa vulicach Ciurycha prajšli sotni pieraapranutych robatami aktyvistaŭ, što abiacajuć vyzvalić ludziej ad paŭsiadzionnaha kłopatu.
Adzin z arhanizataraŭ demanstracyi Če Vahnier śćviardžaje, što ŭviadzieńnie harantavanaha dachodu budzie spraviadlivym rašeńnie jakija stajać pierad hramadstvam prablem.
«U Šviejcaryi bolš za pałovu ŭsich prac naohuł nie apłačvajecca - heta praca chatnich haspadyń, dahlad chvorych i sastarełych, hramadskaja praca. A ciapier takaja praca budzie bolš canicca», - kaža jon.
Adnak šviejcarski refierendum vyklikaje i masu surjoznych pytańniaŭ. Prychilniki harantavanaha dachodu nie viedajuć, jakim čynam jon budzie finansavacca ź dziaržaŭnaha biudžetu.
Jany prosta kažuć, što ŭ vypadku pryniaćcia prapanovy parłamient krainy pavinien budzie razhledzieć i vyrašyć hetaje pytańnie.
Adnak samy pierakanaŭčy dovad suprać harantavanaha dachodu, jaki mohuć padtrymać mnohija šviejcarcy, byŭ vyłučany pravaj Šviejcarskaj narodnaj partyjaj.
Jaje pradstaŭniki zajaŭlajuć, što Šviejcaryja moža ź lohkaściu dazvolić sabie takoje novaŭviadzieńnie, ale tolki nie va ŭmovach adkrytaha rynku pracoŭnaj siły. Šviejcaryja maje adkrytyja miežy z usimi 28 krainami ES, u mnohich ź jakich isnuje značna bolš nizki ŭzrovień žyćcia.
Tema imihracyi ŭ Šviejcaryi, jak i va ŭsich jeŭrapiejskich krainach, vyklikaje vialikija sprečki ŭ hramadstvie. Šviejcarcy tryvožacca, što ŭ vypadku pryniaćcia novych prapanoŭ ich kraina pryciahnie da siabie novych mihrantaŭ.