Bolš za tysiaču zahinułych ŭkrainskich vajskoŭcaŭ u Danbasie — niebajavyja straty
Bolš za tysiaču ukrainskich vajskoŭcaŭ zahinuli ŭ zonie kanfliktu ŭ Danbasie ŭ «niebajavych situacyjach», paviedamiŭ hałoŭny vajskovy prakuror Ukrainy Anatol Macijas.
«Bolš za tysiaču zabitych, try tysiačy paranienych … Heta roznyja niebajavyja situacyi, ałkahalizm, nieaściarožnaje abychodžańnie sa zbrojaj, niestatutnyja adnosiny», - skazaŭ Macijas u intervju ŭkrainskamu telekanału 112, admoviŭšysia paviedamić bolš padrabiaznuju infarmacyju.
Jon patłumačyŭ hetyja niebajavyja straty jak śledstva vajny, posttraŭmatyčnaha sindromu i «adsutnaści hramadskaha prymireńnia».
Pavodle apošnich dadzienych AAN, za bolš čym dva hady kanfliktu na ŭschodzie Ukrainy tam zahinuli 9404 čałavieki, 21671 čałaviek atrymaŭ ranieńni.