Šviejcarcy adchilili ideju ŭviadzieńnia biezumoŭnaha bazavaha dachodu
Pavodle pieršych papiarednich padlikach, 72% udzielnikaŭ referendumu, na jakim abmiarkoŭvałasia ŭviadzieńnie BBD, prahałasavali suprać hetaj idei. Jaje inicyjatary, tym nie mienš, kažuć pra siensacyjny pośpiech.
U Šviejcaryi zaviaršyŭsia refierendum, adnym z pytańniem jakoha było ŭviadzieńnie ŭ krainie biezumoŭnaha bazavaha dachodu (BBD).
78% udzielnikaŭ plebiscytu prahałasavali suprać — pra heta śviedčać pieršyja papiarednija padliki, apublikavanyja instytutam vyvučeńnia hramadskaj dumki gfs.bern pa zamovie šviejcarskaj nacyjanalnaj hramadskaj teleradyjokampanii SRG.SSR. Ideju ŭviadzieńnia BBD padtrymali 22% hramadzian.
«Siensacyjny pośpiech»
Niahledziačy na toje, što pieravažnaja bolšaść šviejcarcaŭ adkinuli hetuju pierśpiektyvu, jaje aŭtary zajavili ab «siensacyjnym pośpiechu». U intervju vydańniu Spiegel Online inicyjatary praviadzieńnia refierendumu zajavili, što dla ich, u pieršuju čarhu, było važna nie ŭchvaleńnie bolšaści, a ŭciahvańnie ŭ dyskusiju jak maha bolšaj kolkaści žycharoŭ.
«22% hałasoŭ — heta značna bolš taho, na što my raźličvali, — padkreśliŭ Daniel Cheni, pres-sakratar inicyjatyŭnaj hrupy, jakaja vystupiła za praviadzieńnie ŭsieahulnaha hałasavańnia. — Heta značyć, što dyskusija vychodzić na mižnarodny ŭzrovień».
Apošnija apytańni paćviardžajuć mierkavańnie aŭtaraŭ inicyjatyvy: 62% šviejcarcaŭ ličać, što tema ŭviadzieńnia BDD, niahledziačy na toje, što jaje adprečyła pieravažnaja bolšaść, budzie abmiarkoŭvacca ŭ krainie i dalej. Navat siarod tych, chto prahałasavaŭ suprać, 53% vierać u praciah debataŭ na hetuju temu. 69% upeŭnienyja, što pry paŭtornym hałasavańni u idei biezumoŭnaha bazavaha dachodu budzie bolš prychilnikaŭ, i tolki 24% pierakananyja, što hetaje pytańnie možna ličyć zakrytym.
Pavodle zadumy inicyjataraŭ uviadzieńnia BDD, kožny darosły moh by štomiesiac raźličvać na 2260, a dzicia - na 565 jeŭra ŭ pieraliku. Dadzienuju sumu atrymlivali b biespracoŭnyja hramadzianie, z zarobku pracujučych ludziej hetaja častka adymałasia b i adrazu ž zamianiałasia sumaj, ekvivalentnaj BDD.