Karystalnikam zabaranili admaŭlacca ad abnaŭleńnia da Windows 10
Kampanija Microsoft vyrašyła dapamahčy karystalnikam ź niaprostym vybaram, ci abnaŭlać apieracyjnuju sistemu da novaj viersii. Tysiačy čałaviek paviedamili, što ich piersanalnyja kampjutary samastojna abnavilisia da Windows 10, abminajučy apaviaščeńnie karystalnika. Taksama nie było ŭ karystalnikaŭ mahčymaści admianić dziejańnie.
Abnaŭleńnie da Windows 10 było pieraviedziena z razradu «apcyjanalnych» u «rekamiendavanyja».
Raniej kampanija abjaŭlała, što 29 lipienia 2016 hoda zavieršycca termin biaspłatnaha abnaŭleńnia da Windows 10. Paśla hetaha, jak paviedamlałasia, apieracyjnaja sistema Windows 10 pastupić u prodaž u 190 krainach śvietu. Mahčyma, mienavita tamu Microsoft vyrašyła paskoryć praces abnaŭleńnia AS na kampjutarach karystalnikaŭ. Ekśpierty pry hetym adznačajuć, što termin biaspłatnaha abnaŭleńnia moža być padoŭžany, bo Microsoft ličyć Windows 10 svajoj finalnaj apieracyjnaj sistemaj, na jakoj kampanija źbirajecca zasiarodzić usie svaje namahańni.
Adnak mnohija karystalniki zajaŭlajuć pra toje, što chacieli b pakinuć na svaich kampjutarach raniejšuju viersiju apieracyjnaj sistemy. U siecivie vielmi papularnyja zapyty: «Jak całkam admovicca ad abnaŭleńnia da Windows 10?» i «Jak admianić ustanoŭku abnaŭleńnia da Windows 10?».
Siarod paradaŭ, jakija sustrakajucca ŭ dadzienym vypadku — adklučyć u naładach Windows Update aŭtamatyčnuju zahruzku «rekamiendavanych» abnaŭleńniaŭ. Ale heta moža tolki adkłaści abnaŭleńnie.
Taksama rajać paśla zahruzki abnaŭleńnia vykanać dziejańni: Pusk — Nałady — Abnaŭleńni i biaśpieka — Adnaŭleńnie. Paśla hetaha vierniecca papiaredniaja viersija AS.