U taksistaŭ-pryvatnikaŭ u Minsku kanfiskavali 8 aŭtamabilaŭ
Nielehalnaje voźnictva ŭ Minsku paviarnułasia kanfiskacyjaj 8 aŭtamabilaŭ. Pra heta paviedamiła namieśnik načalnika inśpiekcyi Ministerstva pa padatkach i zborach (MPZ) pa Minsku — načalnik upraŭleńnia padatkaabkładańnia arhanizacyj Volha Kiško.
Padatkovyja słužby stalicy ŭ mai biahučaha hoda praviali kantrolnyja mierapryjemstvy ŭ adnosinach da fizičnych asob, jakija ažyćciaŭlajuć dziejnaść bieź dziaržaŭnaj rehistracyi ŭ śfiery pieravozak pasažyraŭ aŭtamabilami-taksi (pryvatnaje voźnictva). Tak, inśpiekcyja MPZ pa Minsku skaardynavała dziejańni padviedamnych inśpiekcyj i praviała 20 pravierak u dačynieńni da fizičnych asob, jakija zajmajucca pradprymalnickaj dziejnaściu bieź dziaržaŭnaj rehistracyi ŭ častcy akazańnia pasłuh pa pieravozcy pasažyraŭ.
Vynikam revizii staŭ aryšt 8 aŭtatranspartnych srodkaŭ, pa papiaredniaj acency, na sumu 725,5 młn rubloŭ. Akramia taho, vinavatym vystaŭlena da vypłaty adzinaha padatku ŭ piacikratnym pamiery ŭ sumie 79,1 młn rubloŭ.