En Łonsdejł adkazała na zajavu Sienata EHU
V.a. Staršyni Kiraŭničaj rady EHU adkazała na zajavu Sienata ŭniviersiteta.
Rektary i vykładčyki prychodziać i sychodziać – mienavita tak musić adbyvacca ŭ kožnym univiersitecie. Najvažniejšaj akaličnaściu zastajecca zdolnaść univiersiteta być mocnym, hnutkim, prytrymlivacca svaich metaŭ, mieć aŭtanomiju i akademičnuju svabodu dla taho, kab kazać Praŭdu ŭładam, davać studentam viedy, navyki i kampietencyi dla vykonvańnia viadučaj roli ŭ budučyni svajoj krainy.
U 1992 hodzie ŭ Minsku EHU byŭ zasnavany mienavita z takim aznačeńniem svabody i aŭtanomii, jakoje ŭniviersitet zachavaŭ da siońniašniaha dnia, niahledziačy na admoŭnyja vypady ŭ bok EHU. Źviarnicie ŭvahu: dla taho, kab publična vystupić u EHU nie patrabujecca asablivaja mužnaść, bo sam univiersitet źjaŭlajecca prastoraj akademičnaj svabody i svabody słova. Ničoha nie adbudziecca z 14-ciu z 51-ho čalca Sienata, jakija prahałasavali za adstaŭku. U EHU sienackaje hałasavańnie znachodzicca ŭ biaśpiecy. Siońnia składana ŭjavić prastoru dla padobnaha hałasavańnia ŭ jakim-niebudź biełaruskim univiersitecie, što jašče raz paćviardžaje kaštoŭnaść EHU. Ludziej turbuje budučynia EHU, tamu što my jašče namahajemsia pracavać va ŭmovach absalutnych kaštoŭnaściaŭ svabody, praŭdy, prava volnaha vybara movy vykładańnia, prava svabodnych schodaŭ. Tym nie mienš, biełaruskim univiersitetam i ŚMI zdajecca vartym praciahvać paproki ŭ bok EHU.
Ź jakimi realnymi vyklikami sutykajecca EHU? Finansavymi. Dziejnaść univiersiteta patrabuje hrošaj, kala 65% vydatkaŭ źviazana z zarpłatami. Padčas pierajezda EHU ź Biełarusi ŭ Litvu ŭniviersitet apynuŭsia z pustymi kišeniami i zaležyŭ ad ščodraści donaraŭ na praciahu dziesiacihodździa. Pieršaja padtrymka pryjšła z ZŠA i Litvy, potym – ad Jeŭrapiejskaha Sajuza, a taksama krain Paŭnočnyj Jeŭropy, dapamoha z boku donaraŭ budzie patrebnaja nam i ŭ budučyni. Adnak i z našaha boku donary čakajuć krokaŭ pa zabiaśpiečańni finansavaj ustojlivaści. Donarskaja padtrymka niebiaźmiežnaja, isnuje vialikaja kolkaści inšych prablem, jakim patrebna finansavańnie, a 10 hod – heta doŭhi čas. Zadačaj orhanaŭ praŭleńnia i kiraŭnictva ŭniviersiteta, važnuju častku jakoha pradstaŭlaje i Sienat, źjaŭlajecca sumiesnaja praca pa ŭmacavańni finansavaj samastojnaści, demanstracyi raźvićcia i dasiahnieńniaŭ univiersiteta, jakija stanoviacca pierakanaŭčymi arhumientami na karyść praciahu padtrymki EHU donarami. Nivodny z donaraŭ nie źbirajecca nakiroŭvać hrošy na padtrymku zahadzia niepaśpiachovych prajektaŭ. Našyja 14 kaleh, jakija pryniali ŭdzieł u hałasavańni, biezumoŭna, pavinny heta ŭśviedamlać. Jany majuć vybar: padarvać davier donaraŭ, vykazvajučy biespadstaŭnyja abvinavačvańni meniedžmientu ŭ niekampietentnaści, tym samym padstaŭlaja pad pahrozu isnavańnie prajektu, albo jany mohuć praciahnuć vyrašać surjoznuju zadaču pa budavańni lepšaha z mahčymych univiersitetaŭ dla našych advažnych, zdolnych i talenavitych studentaŭ ź Biełarusi.