Pieršy raz u historyi ZŠA naminacyju na pasadu prezidenta zdabyła žančyna
Chiłary Klintan, pa padlikach ahienctva Asašyejted pres (AP), zaručyłasia padtrymkaj dastatkovaj kolkaści delehataŭ, kab atrymać naminacyju na pasadu prezidenta ad Demakratyčnaj partyi ZŠA.
Pa dadzienych AP, Klintan atrymała hałasy 2383 delehataŭ — mienavita stolki pavinien byŭ nabrać patencyjny kandydat u prezidenty, kab atrymać naminacyju.
Pa padlikach Asašyejted pres, asnoŭnaha supiernika Klintan Bierni Sandersa padtrymlivajuć 1569 delehataŭ. Takim čynam, robiać vysnovu ŭ ahienctvie, Chiłary Klintan atrymaje naminacyju ad Demakratyčnaj partyi, navat kali prajhraje va ŭsich astatnich unutrypartyjnych vybarach.
U vybarčym štabie Chiłary Klintan vyniki padliku Asašyejted pres nazvali važnaj viachoj.
U aŭtorak prajmieryz Demakratyčnaj partyi projduć u šaści štatach, a jašče praz tydzień — u Vašynhtonie.
Siarod respublikancaŭ taksama vyznačyŭsia favaryt — miljarder Donald Tramp, jaki prasłaviŭsia hučnymi zajavami.
Pavodle niadaŭniaha apytańnia hramadskaj dumki telekanała Fox News, Tramp viadzie siarod biełych vybarščykaŭ ź pieravahaj u 24 ački. Ale pieravaha Chiłary siarod čarnaskurych dasiahaje 83%, a siarod łacinaamierykancaŭ — 39%.