Paśla publikacyj u ŚMI syn Andreja Kabiakova źniaŭsia z čempijanatu pa taekvando
Syn premjer-ministra Andreja Kabiakova Hieorhij nie pajechaŭ na kamandny Kubak Jeŭropy pa teakvando.
Hieorhij Kabiakoŭ, fota kp.by
Sapraŭdy, «pasłužny śpisak» Hieorhija Kabiakova ŭražvaje — čempijon Jeŭropy, pieramožca Kubka śvietu, majstar sportu. Čamu takoha spartsmiena źniali sa spabornictvaŭ?
Raniej ŚMI paviedamlali, što Hieorhij Kabiakoŭ z-za pajezdki ŭ Talin nie budzie zdavać vypusknyja ispyty ŭ himnazii. Sprava ŭ tym, što spabornictvy tyja prachodzili ŭ Talinie z 31 traŭnia pa 5 červienia i supadali pa časie z ekzamienami.
Paśla źjaŭleńnia hetaj infarmacyi ŭ ŚMI «było pryniataje rašeńnie ab źniaćci Hieorhija Kabiakova sa spabornictvaŭ». U Lizie taekvando vielmi rasčaravanyja, što «ich viadučy spartsmien nie zdoleŭ pajechać u Talin». Ale chto kankretna prymaŭ heta rašeńnie, jakoha ŭzroŭniu kiraŭnik, nie kažuć.