Try čałavieki pamierli ŭ Karelickim rajonie paśla raśpićcia nieviadomaj vadkaści
Try čałavieki pamierli paśla ŭžyvańnia nieviadomaj śpirtaźmiaščalnaj vadkaści ŭ Karelickim rajonie, paviedamiŭ supracoŭnik pres-słužby UUS Hrodzienskaha abłvykankama Jarasłaŭ Vasileŭski.
Traich žycharoŭ vioski Niekraševičy znajšli miortvymi 4 červienia. Napiaredadni ŭ hości da dvuch adnaviaskoŭcaŭ pryjšła žančyna 1965 hoda naradžeńnia, jakaja pryniesła z saboj paŭtaralitrovuju płastykavuju jomistaść sa śpirtaźmiaščalnaj vadkaściu. Kampanija vypiła vadkaść, i praź niekalki hadzin paśla hetaha ŭsie troje pamierli.
«Pachodžańnie vadkaści da hetaha času nieviadoma. Pryznačana sudova-chimičnaja ekśpiertyza», - rastłumačyŭ Jarasłaŭ Vasileŭski.
Zaviedziena kryminalnaja sprava pa č.2 art.144 KK (pryčynieńnie śmierci pa nieaściarožnaści dvuch abo bolš asobam).