Baćki Julii Bałykinaj: Prosim prysudzić abvinavačanaha da najvyšejšaj miery pakarańnia
U aŭtorak u Minskim haradzkim sudzie praciahvajecca razhlad kryminalnaj spravy pa zabojstvie spartsmienki Julii Bałykinaj. Mama zabitaj dziaŭčyny Ała Fiodaraŭna paprasiła prysudzić abvinavačanaha da najvyšejšaj miery pakarańnia.
— Heta naša adzinaja dačka, — nie mahła strymać śloz maci Julii. — Jon pazbaviŭ nas sensu žyćcia. Z sychodam dački budučyni niama. Sa svajoj žonkaj pahadžajecca i muž Ały Fiodaraŭny, jaki vyciraje ślozy nasoŭkaj: «Tak budzie, na naš pohlad, spraviadliva».
Mama lohkaatletki pryznajecca, što ŭ dzień trahiedyi jana pradčuvała biadu.
— Mnie pryśniłasia, što ja straciła Julu — nas padzialiła ściana.
Mama Julii nie była hatovaja adkazać prakuroru i sudździ, što jany z mužam buduć patrabavać u jakaści pakryćcia im materyjalnaj škody.