Ukraina paprasiła adnavić pastaŭki rasijskaha hazu
«Naftahaz» nakiravaŭ «Hazpromu» list z prośbaj ab adnaŭleńni pastavak rasijskaha hazu va Ukrainu. Pra heta paviedamiŭ kiraŭnik «Hazproma» Alaksiej Miler.
ria.ru
Havorka, pavodle jaho słoŭ, idzie pra pastaŭki hazu z druhoha paŭhodździa 2016 hoda da pieršaha kvartała 2017 hoda.
«Źmiena nastrojaŭ ŭkrainskaj kampanii zrazumieła, — zajaviŭ kiraŭnik «Hazproma». — Sutačny abjom reviersu ź Jeŭropy skaraciŭsia ŭ červieni ŭ 6,4 razu ŭ paraŭnańni z majem, i ŭ 16,8 razu ŭ paraŭnańni z krasavikom».
Ukraina pierastała naŭprost zakuplać rasijski haz u listapadzie 2015 hoda. Uzamien kraina impartuje tranzitny haz ź Jeŭrasajuza, śćviardžajučy, što jaho cana nižejšaja, čym u nabytaha naŭprost u Rasii.
U kancy maja 2016 hoda dyrektar pa raźvićci biznesu «Naftahaza» Juryj Vitrenka zajaviŭ, što Ukraina vierniecca da naŭprostavych zakupak u «Hazproma» tolki ŭ tym vypadku, kali jany buduć tańniejšyja za impart tranzitnaha hazu.