Ananič prapanuje Rasii razam supraćstajać dezinfarmacyi ŭ internecie
Ministr infarmacyi Biełarusi Lilija Ananič prapanuje Rasii razam supraćstajać u internecie infarmacyi pra nibyta nievyrašalnyja supiarečnaści va ŭzajemaadnosinach dźviuch krain. Pra heta jana zajaviła siońnia na plenarnym pasiadžeńni III Forumu rehijonaŭ Biełarusi i Rasii.
«Infarmacyjnaje asiarodździe ŭ siłu raźvićcia novych technałohij zdolnaje nieści ŭ sabie jak stvareńnie, tak i razbureńnie. Časam mienavita ŭ internecie hramadskaści našych krain padkidvajucca tezisy pra nibyta isnujučyja nievyrašalnyja supiarečnaści ŭ našych uzajemaadnosinach. Dumaju, što takoj infarmacyi treba supraćstajać razam, u tym liku vyrazna artykulujučy dziaržaŭnuju pazicyju, jakaja realna adlustroŭvaje stan spraŭ u tym ci inšym kirunku», — zajaviła Lilija Ananič.
Pavodle jaje słoŭ, u Biełarusi bieśpieraškodna raspaŭsiudžvajucca ŭsie hałoŭnyja rasijskija kanały - heta adznačali na forumie i pradstaŭniki Rasii. Biełaruś u svaju čarhu surjozna raźličvaje na pašyreńnie infarmacyjnaha pola mižnarodnaha kanała «Biełaruś 24», jaki siońnia tranślujecca ŭ Rasii. Na forumie taksama ahučvałasia ideja, sutnaść jakoj zaklučajecca ŭ tym, što telekanał TRA moža stać dobraj płatformaj dla rehijanalnych telekanałaŭ dźviuch krain.
«Vielmi pryjemna, što tema srodkaŭ masavaj infarmacyi ŭ humanitarnym kantekście hučyć jak adna z važnych. Upeŭnienaja, što infarmacyja Biełarusi i Rasii budzie zaŭsiody stvaralnaj na karyść dźviuch krain i narodaŭ», - reziumavała Lilija Ananič.