«Rasija — heta vajna!»: Daškievič pravioŭ pikiet na adkryćci hrafici «Minsk—Maskva» FOTA, VIDEA
+ dadalisia foty
Siońnia na vulicy Mahiloŭskaj prajšło aficyjnaje adkryćcio skandalnaha hrafici ź biełaruskim chłopčykam i rasijskaj dziaŭčynkaj. «Małady front» zaklikaŭ minčukoŭ dałučycca da mierapryjemstva asobnym pikietam.
Samyja jarkija momanty ź pikieta:
Ludzi ŭ cyvilnym pieraškadžali pratestoŭcam i nie davali prajści da miesca ŭračystaha adkryćcia.
Pad badzioryja pieśni z dynamikaŭ pra luboŭ da Rasii lidar «Maładoha fronta» Źmicier Daškievič i inšyja aktyvisty razharnuli bieł-čyrvona-biełyja ściahi i płakaty z nadpisami «Sajuz z ahresaram = vajna», «Nie sajuzu z bandaj» i inšyja.
Da miesca aficyjnaha mierapryjemstva pikietoŭcaŭ nie puściŭ ščylny šerah milicyjantaŭ u cyvilnym. Na aktyvistaŭ masava składali pratakoły.
Mierkavałasia, što na adkryćci vystupiać pradstaŭniki ŭładaŭ Minska i Maskvy, dla ich navat ustalavali nievialikuju scenu z dvuma mikrafonami. Adnak nijakich pramovaŭ nie było: aficyjnyja asoby tolki raźbili ab ścianu butelku (mabyć, z šampanskim) i ŭručyli siertyfikat ab padarunku hrafici Minsku ad urada Maskvy.
Akramia dziaciej i aficyjnych asob, na adkryćci prysutničała Kamunistyčnaja partyja Biełarusi. Udzielniki rabili vyhlad, jak byccam ničoha nie adbyvałasia.
Uračystaje adkryćcio prajšło nie na padrychtavanaj scenie ź mikrafonami, a ŭ kucie doma tolki dla žurnalistaŭ.