Zatrymany Andrej Žukaŭ, kiraŭnik departamienta sudziejstva Biełaruskaj fiederacyi futboła
Jak stała viadoma Tribuna.com, načalnik departamienta sudziejstva i inśpiektavańnia ABFF Andrej Žukaŭ zatrymany. Krynica ŭ fiederacyi futboła paviedamiła pra toje, što zatrymańnie adbyłosia ŭčora ŭviečary prosta ŭ pracoŭnym kabiniecie Žukava. Jaho abvinavačvajuć u atrymańni chabaru.
Asabisty telefon Žukava ŭ dadzieny momant nie adkazvaje.
Na praciahu dnia źviazacca z ABFF dla aficyjnych kamientaroŭ nie ŭdałosia.
MUS, Hienprakuratura i KDB pakul ustrymlivajucca ad pradastaŭleńnia bolš padrabiaznaj infarmacyi. U Śledčym kamitecie paviedamili, što materyjały pa hetaj spravie da ich pakul nie pastupali.
U bližejšy čaćvier Žukaŭ pavinien byŭ inśpiektavać matč čempijanatu Biełarusi «Słuck» — «Dynama» Brest, adnak na hulniu ŭžo zroblena novaje pryznačeńnie — jaje prainśpiektuje Viktar Šukan.
Pavodle źviesta «Presboła», zatrymańnie adbyłosia viečaram 7 červienia ŭ pracoŭnym kabiniecie Žukava, jaki ŭ dadzieny momant apiačatany. Akramia taho, u kabiniecie praviedzienaja kanfiskacyja dakumientaŭ.
Taksama Tribuna.com stała viadoma, što pravaachoŭnymi orhanami zatrymany hałoŭny trenier «Smarhoni» Mikałaj Ryndziuk i biełaruski sudździa Andrej Saroka.