Maryju Šarapavu dyskvalifikavali na dva hady
Antydopinhavy kamitet Mižnarodnaj fiederacyi tenisa (ITF) dyskvalifikavaŭ rasijskuju tenisistku Maryju Šarapavu na dva hady za ŭžyvańnie mieldoniju.
Termin dyskvalifikacyi adličvajecca z 26 studzienia 2016 hoda - dnia zdačy dopinh-proby, u jakoj byli znojdzienyja ślady zabaronienaha preparatu.
Vyniki jaje vystupu na Australian Open u studzieni 2016 hoda, u tym liku naličanyja pa vynikach turniru bały, buduć anulavanyja. Šarapavaj taksama pryjdziecca viarnuć pryzavyja, atrymanyja za ŭdzieł u čempijanacie (spartsmienka dajšła da ¼ finału, dzie sastupiła Sierenie Uiljams).